درباره سایت
آخرین مطالب
امکانات وب
کاکه سه یوان ئیبراهیمی په ی پروسقیای عومرو ئا وه شه ویسیه شیوه نش هه س که رده ن
هام دەردیە چەنی بنەماڵەێ موحتەرەموو ئاتەش ئەفروزی بۆنەو کوچی دمایی
جوانەمەرگ
مەرحوومو کاکە ئەرسەلان ئاتەش ئەفروزی
ئینشااڵڵا کە خەمو ئاخریشا بۆ ئیمەیچ بە شەریکو خەموو ویشا بزانا
بە کام ناڵە دڵ یا کام هەرسی چەم
من کەروو شیوەن پەی زامی تازەم
وەهاری ئیمساڵ سیاۆ مەرمانو
بە کوچت ئازیز بایقۆش موانۆ
مەکەردێ مەنعم شینم بی شەرمەن
ڕەفیقم مەردەن شیوەنم گەرمەن
دەک فەڵەک تویچ پسەۆ من وەیلان
چەنیت ئاما دڵ بەردت ئەرسەلان
ئەی دەس بە شیوەن هورگیرە قەڵەم
زوان وەختشەن هاوار پەی ناڵەم
ئازیزی جوانی جوانە مەرگم ڕۆ
مەحرەم وە یانەی سەرای سەنگم ڕو
چۆزەێ پڕوکیایی نەو وەهارم ڕۆ
جستە زامداری بریندارم ڕۆ
تەنیا و غەریبی ڕای شارانم ڕۆ
گۆڵی پڕوسقیایی وەهارانم ڕۆ
قەوم و بیگانە ماتشا کەردەن
شیوەنشا گەرمەن ئەرسەلان مەردن
ئازیزم ئاخر هەوار موبارەک
نەو وەهار کوچو تو دا تەدارەک
بە کوچت ئازیز یانەی دڵ سوتەن
بابەی ڕیش چەرمەت بە بێ ناز کەوتەن
هیلیاێ کناچیت چمەڕاۆ تونە
پەی کوچو بابەیش بی ڕنگو بۆنە
هەناسە سەرد بو گەردونی چەپ گەرد
ئارۆ پەی کوچت عەزمش جەزم کەرد
ئاسمانو شیعرەیم ئیمشەۆ سیاوەن
ئازیز پەی کوچت جەرگم کەواوەن
ئاورش گیرتەن یانەی دڵ بی تۆ
پەی کوچی کەردت پەی هەواری نۆ
حەرچن دڵ جە خەم کەیلاوی ناڵەن
بەڵام دیدارت پەیما مەحاڵەن
قەسەمش مدەو دەهندەی داوەر
شافعت کەرۆ موستەفای سەروەر
یاڕب بە حورمەت فەخری سەماوات
بەهەشتی بەرین کەرۆ بە ماوات
مەسپارووت بە دەس ڕەسولی سەروەر
ئاگادارت بۆ جە یوم المحشەر
سەیوان ئێبراهیمی
برچسب:
نویسنده: اشکان زارعینیا